有一晚放工之後，由於太夜關係，於是求其買盒飯諗住返屋企食。買完後經過樓下球埸，突然聽到有人大叫:「屌你老母!」就係依一句吸引到我，就行去球埸睇下有冇MK仔打交諗住一路食飯一路當睇戲，之後見到球埸上成班中學生係到笑笑口踢波，中間夾雜住大量粗口，好享受同班朋友踢波既樂趣。
睇住佢地係球埸上燃燒青春，令我諗起中七參加左班際足球比賽既回憶。
其實班際足球比賽年年都攪，中六個時都攪左次，但係我個陣同班同學唔係太熟，加上自己踢波又唔係勁，都無謂獻醜累街坊，球埸依樣野都係留返比班「英雄」發光發熱，我都係留係埸邊打下氣感受下氣氛就算，「弱者」既角色就係咁，我都慣了。
...Continue Reading
Search